சென்னைப் பெருநகர் வளர்ச்சிக் குழுமத்தினைப் பற்றி

சென்னைப் பெருநகர் வளர்ச்சிக் குழுமத்தின் செயல்பாடுகள்

அ) சென்னைப் பெருநகர்த் திட்டப் பகுதியில் நில உபயோகம் மற்றும் பயன்கள் பற்றிய அளவீடு செய்து அதனடிப்படையிலான அறிக்கைகளை தயாரித்தல்.

ஆ) சென்னைப் பெருநகர்த் திட்டப் பகுதிக்கான முழுமை திட்டம் / விரிவான வளர்ச்சித் திட்டம் / புதுநகர் போன்றவைகளுக்கான வளர்ச்சித் திட்டம் தயாரித்தல்.

இ) நடப்பு நிலவர நில உபயோக வரைபடம் தயாரித்தல் மற்றும் வளர்ச்சித் திட்டங்களுக்கு தேவைப்படும் வரைபடங்களை தயாரித்தல்.

ஈ) வளர்ச்சி திட்டத்தில் கூறப்பட்டுள்ள பணிகளை நிறைவேற்றுதல் மற்றும் நிறைவேற்ற தூண்டுதலாக இருத்தல்.

உ) சென்னைப் பெருநகர் திட்டப் பகுதியினை முழுமையாக நிர்ணயிக்கவோ அல்லது இதன் அதிகாரத்திற்குட்பட்ட ஏதாவதொரு பகுதியிலோ, புதுநகரை நிர்மானம் செய்து அதற்கான கீழ்காணும் பணிகளையும் மேற்கொள்ளுதல்.

1. சம்பந்தப்பட்ட பகுதியின் புதுநகருக்கான மேம்பாட்டு திட்டம் தயாரித்தல் மற்றும்

2. புதுநகருக்கான மேம்பாட்டு திட்டத்தின்படி மனைப்பிரிவை அமைத்து வளர்ச்சி மேற்கொள்ளுதலை உறுதி செய்தல்.

ஊ) அரசினால் ஒப்படைக்கப்படும் இதர மற்ற செயல்பாடுகளை மேற்கொள்ளுதல்

1. குழுமத்தால் தயாரிக்கப்பட்ட எந்தவொரு வளர்ச்சித் திட்டத்தையும் செயல்படுத்த தனது ஆணையின் மூலமாக, தன்னால் தெரிவு செய்யப்பட்ட அதிகார அமைப்புகளிடத்திலோ அல்லது வேறு அமைப்புகளிடத்திலோ ஒப்படைப்பு செய்தல்.

2. சென்னைப் பெருநகர்ப் பகுதிக்குள் அடங்கும் உள்ளாட்சி நிர்வாக அமைப்புகளையோ அல்லது வேறு எந்தவொரு அதிகார அமைப்பினையோ குழுமம் தனது அதிகாரத்தின் கீழ் அல்லது தன்னால் வழங்கப்பட்ட அதிகாரத்தின் கீழ் அல்லது நகர்புற திட்டமிடல் சட்டத்தின் கீழ் செயல்பட நியமிக்கும். அவ்வாறான அதிகாரங்களை தனது ஆணையின் மூலம் தெரிவிக்கப்படும் சில நிபந்தனைகள் மற்றும் கட்டுப்பாடுகளின்படி, திரும்பப் பெற்றுக் கொள்ளும்.

சென்னைப் பெருநகர்ப் பகுதிக்குள் அடங்கும் சென்னை மாநகராட்சி, நகராட்சிகள், 20 பேரூராட்சிகள், மற்றும் 10 ஊராட்சி ஒன்றியத்தில் அடங்கும் கிராமங்களின் பட்டியலை காண்க.

எங்களின் தொலைநோக்குப் பார்வை

நீடித்த நிலையான சுற்றுச் சூழலை உருவாக்குவது, பொருளாதாரத்தில் மேம்பாட்டினை கொண்டதும், தொழிநுட்பத் திறனில் புதுமையினைக் கொண்டதுமான நிர்வாக கொள்கைகள் மற்றும் செயற் திட்டங்கள் மூலம், சென்னைப் பெருநகர் பகுதியின் மக்களின் வாழ்க்கைத் தரம் மேம்படுத்துதலை உறுதி செய்யும், மக்கள் நல நிர்வாகத்தினை கொடுப்பதுவே இக்குழுமத்தின் தொலைநோக்குப் பார்வையாகும்.

எங்கள் பணித்தத்துவம்